Gullsmed Aabø er 70 år

Velkomen i jubileumsåret 2026!

Det er i år 70 år sidan Aslak Aanund og Solveig opna gullsmedforretning i Aslestadhuset i Kviteseidbyen. Året var 1956.

Butikken var fyrst i nedre del av 1.etg., øvre del vart bustaden deira. I 2. og 3.etg. var det telefonsentral og bustad/utleige. Etter nokre år kunne fam. Aabø flytte opp i 2.etg. og butikken vart flytt til øvre del (mot Sigurd Nørstrud). Det var framleis andre næringar i huset. Seinare vart butikken utvida til slik den er i dag, og det vart bygd større verkstad.

Aslak starta tidleg opp med verkstad til bunadsylv og Solveig ekspederte kundar og sette sitt preg på butikken. Me er svært stolte og takksame for det dei skapte saman.